Qui de Dieu veut, et du monde, estre aimé,
Il doit ensuivre une terre fertile,
Laquelle rend plus qu’on n’y a semé,
Si qu’elle en est au seigneur tresutile :
Ainsi vertu liberalle et gentille
D’un noble esprit, comme honneste usure
Rendant plaisir à plusgrande mesure
Qu’elle ne prit. L’on est donc bien trahi
En l’homme ingrat, qui fait à tous injure,
Tant, que de Dieu et du monde est hahi.